सप्तरी – चिनियाँ कम्युनिष्ट पार्टीका प्रतिनिधिमण्डलसँगकाे भेटवार्तापछि प्रधानमन्त्री केपी शर्मा ओली र राष्ट्रपछि विद्यादेवी भण्डारीबीच करिब २ घण्टा छलफल भएकाे छ ।आइतबार दिउँसो काठमाडौं आइपुगेका चिनियाँ अन्तर्राष्ट्रिय विभागका उपमन्त्री गुओ यचौको नेतृत्वकाे टाेलीले साेही दिन राष्टपति र प्रधानमन्त्रीसँग भेटवार्ता गरेकाे थियाे । चिनियाँ टाेलीसँगकाे भेटवार्तापछि साेमबार साँझ राष्ट्रपति र प्रधानमन्त्रीबीच करिब २ घण्टा भेटवार्ता भएकाे हाे ।

उनीहरूबीच नेकपा विभाजन तथा चिनियाँ टोलीसँगको भेटवार्ताका विषयमा छलफल भएकाे शितल निवास स्राेतले जनाएकाे छ । नियमित भेटघाटकै शिलशिला भएकाे स्राेतकाे भनाइ छ ।चिनियाँ टोलीले सोमबार नेकपाका अध्यक्ष पुष्पकमल दाहाल प्रचण्ड, माधवकुमार नेपाल र झलनाथ खनाल तथा जनता समाजवादी पार्टीका संघीय परिषद् अध्यक्ष डा. बाबुराम भट्टराईसँग छलफल गरेको थियो । माधव कुमार नेपालसँग पनि उनीहरूले भेटेका थिए । साे टाेलीले प्रतिपक्षी दलकाे नेताहरूलाई पनि भेट्ने कार्यक्रम छ ।