सप्तरी – डोटी जिल्लामा छुट्टाछुट्टै घटनामा परी दुई जना बालकको ज्यान गएको छ ।

डोटीको शिखर नगरपालिका वडा न. ६ काेटगाउँमा स्कार्पियाेकाे ठक्करबाट माेहन बलायरका ६ बर्षिय छाेरा गाैरब बलायरकाे मृत्यु भएको हाे । धनगढी तर्फ जाने गरेकाे से १ च १००९ नम्बरकाे स्कार्पियाेकाे ठक्करले गम्भीर घाइते भएका गाैरबकाे उपचारका लागि सेती प्रादेशिक अस्पताल लैजादै गर्दाबाटाे मै मृत्यु भएको हाे ।

यसैगरी जिल्लाको बोगटान फुड्सिल गाउँपालिका वडा नम्बर २ केदाराअखडा गराँजु घर भएका गगन सिं बोहराका १० वर्षीय छोरा गणेश बोहराको भिरबाट लडेर मृत्यु भएको छ । बिहिवार साँझ घरबाट सजनाऔल भन्ने स्थानमा जाने क्रममा भिरबाट करिव तिन सय मिटर तल खसेका उनको घटना स्थलमै मृत्यु भएको मृतकका आफन्त पारश बोहराले जानकारी दिए ।