सप्तरी -बालुवाटारमा बिहीबार बसेको नेकपा ओली समूहको बैठक। तस्बिर: सन्जिब बगाले/सेतोपाटीबालुवाटारमा बिहीबार बसेको नेकपा ओली समूहको बैठक।नेपाल कम्युनिष्ट पार्टीका दुबै समूहका केन्द्रीय समिति बैठक अहिले बसिरहेका छन्।

प्रधानमन्त्री केपी शर्मा ओलीको अध्यक्षतामा उनीनिकट केन्द्रीय समिति सदस्यको बैठक प्रधानमन्त्रीको सरकारी निवास बालुवाटारमा बसिरहेको छ भने पुष्पकमल दाहाल ‘प्रचण्ड’ र माधवकुमार नेपाल नेतृत्वको नेकपाको बैठक बबरमहलस्थित कार्की ब्यांकेटमा जारी छ। बालुवाटारमा भएको ओली समूहको बैठक खुला चौरमा गरिएको छ। बालुवाटारको चौरमा पाल टाँगेर बैठक गरिएको हो। यसअघि गत मंगलबार उक्त समूहको बैठक बालुवाटारको हलभित्र बसेको थियो।

सोही बैठकमा प्रधानमन्त्री ओलीले थप ५५६ जना केन्द्रीय समिति सदस्य थपेका थिए। केन्द्रीय समिति सदस्य बढी भएपछि आजको बैठक चौरमै गर्नु परेको बताइएको छ।