सप्तरी – प्रधानमन्त्री केपी शर्मा ओलीको प्रतिनिधिसभा विघटन गर्ने कदमको विरोधमा पुल्चोक क्याम्पसमा प्रदर्शन भएको छ । विद्यार्थी संगठन अखिल क्रान्तिकारी र अनेरास्ववियुको नेतृत्वमा प्रदर्शन भएको हो ।
जिल्लाका विभिन्न अरु इञ्जिनियरिङ्ग क्याम्पसका नेता–कार्यकर्ताको समेत उपस्थितिमा भएको उक्त विरोध कार्यक्रम ओलीको कदमको चर्को विरोध गरिएको थियो ।

अखिल क्रान्तिकारीबाट शिशिर पन्त र अनेरास्ववियुबाट संयोग पोख्रेलको नेतृत्वमा भएको उक्त कार्यक्रमलाई केन्द्रीय कमिटीबाट सागर अधिकारीले सम्बोधन गरेका थिए ।

सो क्रममा प्राविधिक जिल्लाका नेता अमृत अधिकारी, शिशिर आदित्य गौतम, सुनिल थापा, सुगम ढकाल, विनय बस्नेतलगायतले सम्बोधन गरेका थिए । विरोध सभाअघि पुल्चोक क्याम्पस हुँदै पाटन क्याम्पस पुगेर केहीबेर दुवै क्याम्पसको संगठनको संयुक्त विरोध र नारावाजी समेत गरिएको थियो।