सप्तरी – कृषि उत्पादनको पकेट क्षेत्रका रूपमा परिचित लेखनाथका कृषकले उत्पादन गरेको कृषि उपजको बजारीकरणमा सहयोग पुग्ने गरी तालचोकमा शीतभण्डार (कोल्ड स्टोर) निर्माण गरिने भएको छ ।

गण्डकी प्रदेशसभा अर्थ तथा विकास समितिका सभापति दीपक कोइरालाद्वारा निर्वाचन पूर्वाधार विकास कार्यक्रमको २५ लाख र लेखनाथ उद्योग वाणिज्य संघको २ लाख ५० हजार गरी कूल २७ लाख ५० हजार रुपैयाँको लागतमा सो शीतभण्डार निर्माण गरिने भएको हो ।स्थानीयस्तरमा उत्पादिन कृषिजन्य वस्तु सुरक्षासँगै उपभोक्तासम्म सुरक्षित तरिकाले पुर्‍याउने लक्ष्यका साथ शीतभण्डार निर्माण गर्ने तयारी भइरहेको बिहीवार पोखरा–२७ मा आयोजित कृषक अन्तक्र्रिया कार्यक्रममा जानकारी दिइयो ।कार्यक्रममा सभापति कोइरालाले शीतभण्डार निर्माणसँगै यस क्षेत्रका कृषकले उत्पादित कृषि उपजको बजारीकरणमा सहयोग पुग्ने विश्वास व्यक्त गरे ।
नेपाल उद्योग वाणिज्य महासंघका केन्द्रीय सदस्य बाबुराम गिरीले सरकार र निजी क्षेत्रको सहकार्यमा वाणिज्य क्षेत्रका उद्योगधन्दाभन्दा पनि कृषिमा आधारित उद्योग सञ्चालनको आवश्यकता औंल्याए ।

लेखनाथ उद्योग वाणिज्य संघका अध्यक्ष बलराम ढकालले स्थानीयस्तरमा उत्पादिन कृषिजन्य वस्तुलाई बजारीकरण गर्न व्यवस्थित तवरले भण्डारण र किसानको लगानी सुरक्षा गर्न कृषिमैत्री कार्यक्रममा जोड दिनुपर्ने बताए ।