सप्तरी – प्रतिनिधिसभाअन्तर्गतको लेखा समितिले स्वास्थ्यमन्त्री भानुभक्त ढकाललाई शुक्रबार १ बजेका लागि बाेलाएकाे छ । स्वास्थ्य सामग्री खरिदमा अनियमितताबारे छानबिन गरिरहेकाे समितिले सोही विषयमा छलफलका लागि ढकाललाई बाेलाएकाे हाे ।

लामाे समयदेखि लेखा समितिमा आउन नमानेका मन्त्री ढकालले ‘बल्लतल्ल समय दिएकाे’ समिति सभापति भरत शाहले बताए । स्वास्थ्यमन्त्रीका साथै स्वास्थ्य सचिवलाई पनि बाेलाइएकाे छ । यसअघि समितिले तत्कालीन स्वास्थ्य सचिवहरू, स्वास्थ्य सेवा विभागका तत्कालीन प्रमुखलाई पनि साेधपुछ गरेको थियाे । काेराेना भाइरसबाट संक्रमितकाे उपचारका लागि खरिद गरिएको स्वास्थ्य सामग्रीमा अनियमितता भएको र कमसल सामग्री खरिद गरिएको भन्दै लेखा समितिले छानबिन थालेको थियाे ।