सप्तरी – प्रधानमन्त्री केपी शर्मा ओलीले आज आकस्मिक मन्त्रिपरिषद्को बैठक डाकेका छन् । उनले आजै संवैधानिक परिषद्को बैठक पनि आजै बोलाएका छन् । मन्त्रिपरिषद्को बैठकपछि संवैधानिक परिषद्को बैठक बस्नेछ । आजको बैठकमा प्रतिपक्षी दलका नेता शेरबहादुरु देउवासमेत उपस्थित हुने छन् ।

संवैधानिक परिषद्को बैठक बिहान ९ बजेका लागि बोलाइएको थियो, तर त्यसभन्दा अघि मन्त्रिपरिषद् बैठक बस्नुपर्ने भएकाले ११ बजेका लागि सारिएको छ । मन्त्रिपरिषद्को बैठक सम्पन्न भएपछि ११ बजे संवैधानिक परिषद् बैठक बस्ने बालुवाटारस्रोतले राजधानीलाई जानकारी दियो ।संवैधानिक परिषद्मा रक्त पदपूर्तिका लागि संवैधानिक बैठक गत आइतबार नै आह्वान गरिएको थियो ।

तर, प्रतिपक्षी दल नेपाली कांग्रेसका संसदीय दलका नेता देउवा सहभागी नभएपछि आज मंगलबारका लागि सारिएको थियो ।प्रधानमन्त्री ओलीले आज आकस्मिक रुपमा मन्त्रिपरिषद् बैठक किन डाक्नु भयो त्यसबारे केही बताइएको छैन ।