सप्तरी – संघीय मामिला तथा समान्य प्रशासन मन्त्री हृदेश त्रिपाठीले काठमाडौँ महानगरपालिका संघीयता कार्यान्वयनमा सवैभन्दा अगाडि रहेको बताएका छन् ।

सोमबार काठमाडौं महानगरपालिकाले मनाएको २६औँ महानगर दिवस समारोहलाई सम्बोधन गर्दै मन्त्री त्रिपाठीले काठमाडौँ महानगरमा देशको राजधानी समेत भएकाले देश र जनताप्रति जिम्मेवार बन्दै अभिभावक बन्न सुझाव दिए । कार्यक्रममा मन्त्री त्रिपाठीले महानगरले प्रकाशन गरेको ’इन्द्रजात्रा’ नामक पुस्तक समेत विमोचन गरेका छन् ।

शहरी विकास राज्यमन्त्री रामवीर मानन्धर र मृगौला बचाउ अभियानका अभियान्ता डा ऋषिकमार काफ्ले सहभागी कार्यक्रम महानगर प्रमुख विद्यासुन्दर शाक्यको अध्यक्षतामा सम्पन्न भएको हो ।