सप्तरी – ट्राफिक प्रहरीलाई एक सय रुपैयाँ घुस दिन खोज्नेलाई प्रहरीले पक्राउ गरेको छ । शनिबार राति कलंकीमा ट्राफिक प्रहरीलाई एक सय घुस रकम दिन खोज्ने ट्रक चालक बुद्धि बहादुर विकलाई पक्राउ गरिएको हो ।

लाइसेन्स बिना ना.४ ख ४८८६ नम्बरको भाडाको ट्रक चलाएर आउँदै गर्दा चेकिङलाई पन्छ्याएर विक भाग्न खोजेका थिए ।तर ट्राफिक प्रहरीले सोही बेला उनलाई नियन्त्रणमा लिएर चेक गर्दा उनीसँग लाइसेन्स नभएको महानगरीय ट्राफिक प्रभाग कलंकीका प्रमुख पुरुषोत्तम कार्कीले बताए ।‘भाडाको ट्रक रहेछ, बिल बुक पनि नवीकरण भएको रहेनछ,’ उनले भने । कार्कीकाअनुसारट्राफिक प्रहरीलाई एक सय घुस रकम दिन खोजेपछि उनलाई नियन्त्रणमा लिइएको हो ।कलंकी ट्राफिक कार्यलय अगाडिको सडक खण्डमा डियुटीमा खटिएका ट्राफिक प्रहरी जवान निरज थापालाई ट्रक चालक विकले घुस दिन खोजेका थिए ।

प्रहरीलाई आर्थिक प्रलोभनमा पार्न खोजेकोले विकलाई पक्राउ गरी कारवाहीको लागि महानगरीय प्रहरी प्रभाग कलंकीमा बुझाइएको ट्राफिक प्रहरीले जनाएको छ ।