सप्तरी – अवैधानिक शारीरिक सम्पर्कबाट जन्मिएको हुन सक्ने अनुमान गरिएको छ।

बैतडीको डिलासैनी गाउँपालिका-५ सेटीगाउँमा नवजात शिशु मृत अवस्थामा फेला परेको छ।बाटोको छेउमा बुधबार फेला परेको मृत शिशुलाई कस्ले फालेको भन्ने खुल्न सकेको छैन। प्रहरीले मृतक शिशुका आमा-बाबुको खोजी गरिरहेको जनाएको छ। इलाका प्रहरी कार्यालय पाटन र प्रहरी चौकी गोकुलेश्वरबाट खटिएको प्रहरीले मृत अवस्थामा बाटोमा शिशुलाई फेला पारेको थियो।

शिशुका आमा-बाबुको पत्तो नलागे पनि विवाहअघि वा अन्य कुनै खालको अवैधानिक शारीरिक सम्पर्कबाट जन्मिएका कारण शिशुलाई जन्मिनेवित्तिकै फ्याकिएको हुन सक्ने अनुमान गरिएको छ।