सप्तरी – काकाको घाँटीमा पासो लगाएर सुनको मुन्द्रा चोरीमा संलग्न आरोपमा ४५ वर्षीय हेमबहादुर सनमानिलाई पाल्पा प्रहरीले पक्राउ गरेको छ।

पाल्पामा आफ्नै काकाको कानमा लगाएको सुनको मुन्द्रा चोरी भएको छ। घाँटीमा पासो लगाएर मुन्द्रा चोरी गरेको आरोपमा प्रहरीले एक जनालाई पक्राउ गरेको छ।पक्राउ पर्नेमा बग्नासकाली गाउँपालिका-९ का ४५ वर्षीय हेमबहादुर सनमानि रहेका छन्। चोरीपछि उनी फरार थिए। घाइतेलाई उपचारको लागि मिसन अस्पताल पाल्पातर्फ पठाइएको छ। उनको अवस्था गम्भीर रहेको प्रहरीले जनाएको छ।

प्रहरीले हेमबहादुरबिरुद्ध चोरी तथा लुटपाट र कर्तव्य ज्यान उद्योगमा मुद्दा दर्ता गरेर अनुसन्धान थालेको छ।