सप्तरी – स्याङजा, कालीगण्डकी गाउँपालिका–४ मगर पधेरा बस्ने ६२ वर्षीय रिमबहादुर रानालाई २ थान भरुवा बन्दुकसहित प्रहरीले पक्राउ गरेको छ ।

वडा प्रहरी कार्यालय वालिङबाट खटिएको प्रहरीले उनलाई उक्त हतियारसहित फेला पारी पक्राउ गरेको हो । यसैबीच बागलुङ, बरेङ गाउँपालिका ३ रातोभीर सामुदायिक बनबाट वेबारिसे अस्थामा रहेको १ थान एकनाले भरुवा बन्दुक प्रहरीले बरामद गरेको छ । ईलाका प्रहरी कार्यालय बरेङडाँडा र प्रहरी चौकी बाटकाचौरबाट खटिएको प्रहरीले उक्त हतियार फेला पारी बरामद गरेको हो ।

यसैगरी बागलुङ, गलकोट नगरपालिका ३ लमहीस्थित काप्रेचौर बनबाट वेबारिसे अस्थामा रहेको ४ थान एकनाले भरुवा बन्दुक प्रहरीले बरामद गरेको छ । ईलाका प्रहरी कार्यालय गल्कोटबाट खटिएको प्रहरीले उक्त हतियार फेला पारी बरामद गरेको हो ।