सप्तरी – नेपाल र भारतमा दलितमाथिको अत्याचार कायम छ ।

भारतको मध्य प्रदेशस्थित किशनपुर गाउँमा २५ वर्षीय एक दलित युवकले सोमवार भोजमा खाना छोएको भन्दै कथित उच्च जातिका दुई पुरुषले कुटीकुटी हत्या गरेका छन् । देवराज अनुरागी नामक ती युवकलाई भूरा सोनी र सन्तोष पाल नामक व्यक्तिहरूले हत्या गरेका हुन् । भोज सकिने बेलामा देवराज भाँडा माझ्न पुगेका थिए ।देवराजले आफ्नो लागि आफैं खाना पस्केको देखेपछि दुईजनाले रिसाउँदै उनलाई लट्ठी प्रहार गरेर मारेको प्रहरी अधिकृत जसवन्त सिंह राजपूतले बताए । घटनापछि सोनी र पाल फरार छन् । उनीहरूलाई दलितविरुद्धको ज्यादती रोकथाम ऐनअन्तर्गत हत्याको उजुरी दर्ता गरिएको छ ।

दुवै आरोपितहरू किसान हुन् । भूराको आपराधिक इतिहास रहेको प्रहरीले जानकारी दिएको छ ।