सप्तरी – भारतमा किसानहरूले सुरु गरेको आन्दोलनले उग्र रुप लिन थालेको छ । कृषि विद्येयकको विरोधमा १३ दिन अघि ‘दिल्ली चलो’ आन्दोलन सुरु भएको थियो । आन्दोलनको थप सशक्त बनाउने क्रममा मंगलबार ११ देखि ३ बजेसम्म चक्काजाम गर्ने घोषणा आन्दोलनकारी किसानले गरेका छन् ।

आन्दोलनमा विभिन्न २० दल तथा पार्टीले पनि समर्थन जनाएका छन् । यद्यपि, किसानहरूले आन्दोलनमा कुनै पनि नेता तथा पार्टीगत झण्डा बोक्न भने दिइएको छैन । आन्दोलनका विभिन्न कार्यक्रम भए पनि एम्बुलेन्सजस्ता आपत्कालिन सेवामा भने हस्तक्षेप भएको छैन ।विभिन्न दल बाहेक आन्दोलनलाई १० ट्रेड युनियनको समर्थन मिलेको छ । भुवनेश्वर रेलवे स्टेशनमा प्रदर्शनकारीहरूले रेल रोकी दिएका छन् । सुरक्षामा तैनाथ रहेका प्रहरीले केही प्रर्दशनकारीहरूलाई रेल ट्रयाकबाट हटाइ हिरासतमा समेत लिएको छ ।

आन्दोलनो कारण भने कृषिका तीन विद्येयकमा भएको संशोधन हो । जसको विरोध विशेषत : हरियाणा, पन्जाब र उत्तर प्रदेशमा अधिक विरोध भएको थियो । विरोध पश्चात पनि भारत केन्द्र सरकाारले उक्त तीन विद्येयकको संशोधन फिर्ता भएन । यससँगै किसानहरू फेरि प्रर्दशनमा उत्रिएका हुन् । अबका लागि किसानहरू भारतको राजधानी नयाँ दिल्ली मै दबाब दिन अघि सरेका हुन् ।