सप्तरी – रामेछाप नगरपालिकाको वडा नम्बर ७, सुकाजोरस्थित वडा कार्यालय भवनको आज उद्घाटन गरिएको छ । नगर प्रमुख नरबहादुर थापा मगरले आज एक कार्यक्रमका बीच भवनको उद्घाटन गरेका हुन् ।

नगरपालिकाको ४५ लाख रुपैयाँको लागतमा दुई आर्थिक वर्ष २०७५/०७६ र २०७६/०७७ मा गरी एक तले पक्की भवन निर्माण सम्पन्न भएको वडा अध्यक्ष समीर कार्कीले जानकारी दिए ।भवन उद्घाटन अघि विधिवत पूजा गरिनुका साथै राष्ट्रिय झण्डा लगाइएको थियो । भवन उद्घाटनपछि नगरप्रमुख थापा मगर, उपप्रमुख सिर्जना खड्का, प्रशासकीय प्रमुख रामचन्द्र लाम्घादे, वडा अध्यक्ष कार्कीलगायत भवन निर्माण समितिका सदस्य तथा वडाबासीले कार्यकक्षको अवलोकन गरेका थिए ।

आफ्नै कार्यालय भवन भएसँगै वडाबासीलाई प्रदान गर्ने सेवा सुविधा उपलब्ध गराउन सहज हुने वडा अध्यक्ष कार्कीले बताए ।