सप्तरी – मकवानपुर र धादिङ जिल्लामा आजदेखि पुन: औद्योगिक सर्वेक्षण शुरुआत भएको छ ।

हरेक १० वर्षमा हुँदै आएको सो गणना कोभिड–१९ का कारणले स्थगित गरिएको थियो । जिल्ला तथ्याङ्क कार्यालय मकवानपुर हेटौँडाका प्रमुख राजेश दासले स्वास्थ्य सुरक्षाका मापदण्ड अपनाउँदै औद्योगिक गणना पुन ःशुरु भएको जानकारी दिए । मकवानपुरमा ३४० र धादिङमा २१७ औद्यौगिक प्रतिष्ठान रहेको बताइएको छ ।

राष्ट्रिय अर्थतन्त्रमा औद्योगिक क्षेत्रको योगदान, सम्भावना, चुनौती, समस्या र रोजगारीको अवस्थालगायतका विविध पक्षको जानकारीका लागि सर्वेक्षण गर्ने गरिन्छ । दश कामदार भएको प्रतिष्ठानलाई मात्र सर्वेक्षणमा समावेश गरिन्छ ।