सप्तरी – सिरहाको गोलबजार नगरपालिकास्थित उत्तरवर्ती क्षेत्र धरमपुरमा जङ्गली हात्तिले गएराति करिव एक दर्जन भन्दा बढी घरहरु भत्काउनुका साथै अन्नपात पनि नष्ट गरिदिएका छन् ।

अबेर राति गाउँ पसेका जंगली हात्तिले कुमार मोक्तान, सुकुमाया लामा, फूलमती तामाङ्ग, लिप्रसाद तामाङ्गसहित एक दर्जन घरहरु भत्काएर धान, चामल खाने र छर्ने गरेको स्थानीयले बताएका छन‍् ।

केहीदिन अघिदेखि उत्तरवर्ती क्षेत्रहरु धनगढी, गोलबजार, मिर्चैया लहान लगायतका ठाउँहरुमा दिनहुँजसो जङ्गली हात्ति गाउँ पसेर आतंक मच्चाउन थालेपछि स्थानीय भयभित भएका हुन् ।