सप्तरी – रौतहटको मौलापुर नगरपालिकामा दरबन्दीअनुसारका शिक्षक नहुँदा विद्यालय सञ्चालनमै समस्या भएपछि नगरपालिकाले आफ्नै स्रोतबाट तलबभत्ता दिने गरी विभिन्न तहका २५ शिक्षक भर्ना गरेको छ ।

केन्द्रले दरबन्दी र आवश्यकताअनुसार शिक्षक नपठाउँदा मौलापुरका अधिकांश विद्यालयमा थोरै जनशक्तिबाट पठनपाठन भइरहेको छ ।केन्द्रलाई बारम्बार अनुरोध गर्दा पनि शिक्षक नपठाएपछि नगरपालिका आफैँले खर्च बेहोर्ने गरी थप जनशक्ति व्यवस्थापन गरेको हो ।नगरपालिकाले अंग्रेजी र नेपाली दुवै माध्यमका प्राथमिक, निम्नमाध्यमिक तथा माध्यमिक तहका गरी २५ जना शिक्षक नियुक्त गरिएको जानकारी दिएको छ ।‘शिक्षक अभावकै कारण पठनपाठनमा देखिएको समस्या समाधान थप जनशक्ति व्यवस्थापन गरेका हौँ । आप्mनै स्रोत खर्चेर शिक्षक नियुक्त गरेपछि पढाइ सुचारु हुनेछ’, मौलापुर नगरपालिका प्रमुख रीनाकुमारी साहले भनिन् ।

राष्ट्रिय साक्षरता अभियानलाई सघाउन र नगरभरिका विद्यार्थीलाई शिक्षाको सहज पहुँचमा पुर्‍याउन शिक्षक भर्ना गर्नु परेको उनले बताइन् ।