काठमाडौं – काठमाडौंको चन्द्रागिरी–३, थानकोटका निरमान भोम्जनको डेराबाट उनकी पत्नीलाई अपहरण गरेको आरोपमा दुई जना पक्राउ परेका छन् ।

महानगरीय अपराध महाशाखाबाट खटिएको टोलीले अपरहणमा परेकी ती महिलालाई भक्तपुरको चाँगुनारायण–१ सरस्वतीखेलबाट उद्धार गरेको हो। घटनामा संलग्न रहेको आरोपमा धिरोज श्रेष्ठ र रसिला अवाल पक्राउ परेको महानगरीय प्रहरी अपराध महाशाखाले जनाएको छ। दुवै जनाले ती महिलालाई थानकोटस्थित डेराबाट अपहरण गरी अवालको घरमा लगेर बन्धक बनाएका थिए।

श्रेष्ठ र अवाललाई पक्राउ गरी जिल्ला अदालत काठमाडौंबाट पाँच दिन थप गरी थप अनुसन्धान भइरहेको प्रहरीले जनाएको छ। उनीहरूले किन ती महिलालाई पक्राउ गरे भन्ने सम्बन्धमा केही खुलेको छैन।