कैलाली – कैलाली प्रहरीले जुवा खेलाउने एक होटल सञ्चालकलाई पक्राउ गरको छ। धनगढी उपमहानगरपालिका–३ स्थित एफसी कटेजमा जुवातास खेलाउने सोही कटेजका सञ्चालक सुरेन्द्र ऐरी पक्राउ परेका हुन्।

जिल्ला प्रहरी कार्यालय कैलालीका अनुसार मंगलबार साँझ उक्त स्थानमा जुवातास भइरहेको छ भन्ने सूचनाका आधारका प्रहरीले त्यहाँ छापा हानेको थियो। प्रहरीले उक्त स्थानबाट ८५ हजार नगद र एक थान तास बरामद गरेको थियो।

सोही अपराधमा संलग्नहरुको खोजी गर्दा बुधबार होटल सञ्चालक ऐरीलाई पक्राउ गरिएको र बाँकी फरारहरुको पनि खोजी गरेर सार्वजनिक गर्ने प्रहरीले जनाइको छ।