मोरङ – आफूलाई सशस्त्र प्रहरी भन्दै धम्क्याएर रकम असुलेको आरोपमा प्रहरीले सोमबार धनपालथानबाट एक जनालाई पक्राउ गरेको छ ।

प्रहरीका अुनसार सीमाक्षेत्रमा रकम असुलीमा संलग्न रंगेली नगरपालिका–२ का २० वर्षीय मनीष रायलाई पक्राउ गरिएको हो ।भारतबाट नेपालमा तस्करी गर्न सघाइदिने भनी रकम उठाउँदै हिँडेका रायलाई सीमा प्रहरी चौकी मायागन्जको टोलीले धनपालथान–३ मायागन्जबाट पक्राउ गरेको जिल्ला प्रहरी कार्यालय मोरङका प्रवक्ता डीएसपी दिपक श्रेष्ठले बताए ।

‘रायले सीमा क्षेत्रमा अनेक बहानामा धम्काएर रकम उठाउँदै आएको प्रारम्भिक अनुसन्धानमा खुलेको छ,’ उनले भने, ‘के कति रकम कहाँ–कहाँबाट उठाएको हो, अनुसन्धान भइरहेको छ ।’