रुपन्देही – प्रहरीले रुपन्देहीको दशगजाबाट अवैध लागूऔषध चरेश बरामद गरेको छ । रोहिणी गाउँपालिका-१ दशगजा ठुलो पिल्लरबाट करिब ३ किलो ५ सय ३६ ग्राम अवैध लागूऔषध चरेश आइतबार दिउँसो प्रहरीले बरामद गरेको हो

नेपालबाट भारततर्फ जाँदै गरेका अपरिचित व्यक्तिहरु प्रहरी चौकी वगाहाबाट गस्तीमा खटिएको प्रहरीलाई देख्नासाथ उक्त चरेश छोडी फरार भएपछि चरेश प्रहरीले बरामद गरेको बताएको छ ।

साथै भारतबाट नेपालतर्फ अबैध रुपमा ल्याउँदै गरेको करिब ६० हजार रुपैयाँ मूल्य बराबरको २ वटा पाडा समेत प्रहरीले बरामद गरेको छ । उक्त कार्यमा संलग्न हाल फरार व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान भइरहेको छ ।