सप्तरी – आज मधेश, लुम्बिनी र सुदूरपश्चिम प्रदेशमा एक दुई ठाउँमा भारी वर्षा हुने मौसम पूर्वानुमान महाशाखाले जनाएको छ। महाशाखाका अनुसार आज बिहान कोशी, मधेश, गण्डकी प्रदेशका एक-दुई स्थानमा छिटपुटदेखि हल्का वर्षा भइरहेको छ।

आज दिउँसो कोशी, मधेश, बागमती र गण्डकी प्रदेशका केही ठाउँमा मेघ गर्जन/चट्याङ्ग सहित हल्का देखि मध्यम वर्षा हुने र कोशी मधेश, लुम्बिनी र सुदूरपश्चिम प्रदेशका एक-दुई स्थानमा भारी वर्षा हुने महाशाखाको बुलेटिनमा उल्लेख छ।

आज राती पनि कोशी, मधेश, बागमती, गण्डकी र लुम्बिनी प्रदेशका विभिन्न ठाउँमा पानी पर्ने महाशाखाले उल्लेख गरेको छ।

वर्षाबाट हुने सक्ने जोखिमबाट जोगिन महाशाखाले सबैमा अनुरोध गरेको छ।