राजविराज – सप्तरीको हनुमाननगर कंकालिनी नगरपालिका-५ स्थित कोसी बाँधमा दुई मोटरसाइकल एक आपसमा ठोक्किँदा एकजनाको मृत्यु भएको छ ।

दुर्घटनामा परी राजविराज नगरपालिका-१५ का ५२ वर्षीय विनोदकुमार साहको मृत्यु भएको जिल्ला प्रहरी कार्यालयका प्रहरी निरीक्षक अवधेश यादवले बताए ।

भारदहबाट हनुमाननगरतर्फ आइरहेको स २ प ७२९६ नम्बरको मोटरसाइकल र विपरीत दिशाबाट गइरहेको को ३४ प ५४५९ नम्बरको मोटरसाइकल हनुमाननगर कंकालिनी नगरपालिका-५ स्थित कोसी बाँधको सडकमा शनिबार बिहान १० बजेर ४५ बजे एक आपसमा ठोक्किएका थिए । दुर्घटनामा स २ प ७२९६ नम्बरको मोटरसाइकल चालक साहको घटनास्थलमै मृत्यु भएको प्रहरी निरीक्षक यादवले बताए ।

अर्को मोटरसाइकल चालकको पहिचान नखुलेको र घाइते अवस्थामा सिटी रिक्सामा चढी भारदहतर्फ गएको सुचना प्राप्त भएकोले खोजी भइरहेको प्रहरीले जनाए।