०९ फाल्गुण २०८०, बुधबार
wait Please...

अनवर अलि

बुधबार, मंसिर २०, २०८०

काठमाडौं – शुक्रबारदेखि सुरु हुने यु–१९ एसिया कपमा नेपाल बलिया राष्ट्र भारत र पाकिस्तान रहेको समूह ‘ए’ मा छ। तर, नेपालको युवा टोलीले आगामी मंसिर २२ गतेदेखि सुरु हुने एसिसी यु–१९ एसिया कपको सेमिफाइनलमा पुग्ने लक्ष्य राखेको छ।

नेपाली यु–१९ क्रिकेट टोलीका कप्तान देव खनालले मंगलबार बिदाइ कार्यक्रममा टेस्ट राष्ट्रलाई हराउँदै समूहचरण पार गर्ने बताएका हुन्। समूह ‘ए’ मा नेपालसहित भारत, पाकिस्तान र अफगानिस्तान छन्। नेपालबाहेक तीनै टोली यु–१९ एसिया कपको विजेता हुन्। भारत आठ पटकको विजेता हो भने पाकिस्तान र अफगानिस्तानले समान एक पटक उपाधि जितेका छन्।

कठिन समूहमा रहे पनि नेपाली युवा टोलीले दुई हप्ताको प्रशिक्षणबाट बलिया टेस्ट राष्ट्रलाई हराउने  लक्ष्य राखेको हो। कप्तान देव यसअघि पनि नेपालले भारतको यु–१९ टोलीलाई हराएको स्मरण गर्दै आफूहरू पनि त्यो इतिहास दोहो¥याउन आतुर रहेको बताउँछन्। ‘सिनियर टोलीले राम्रो गरिहेको छ। हामी पनि एक एक खेलमा ध्यान दिएर अगाडि बढ्नेछौं,’ देवले भने।

यु–१९ एसिया कपमा मंसिर २२ देखि पुस १ गतेसम्म संयुक्त अरब इमिरेट्स (युएई) मा सुरु हुँदै छ। यो एसिया कपको अर्को समूह ‘बी’ मा बंगलादेश, श्रीलंका, जापान र युएई छन्। त्यसैले समूह ‘बी’ को तुलनामा समूह ‘ए’ नेपालजस्तो एसोसिएट राष्ट्रका लागि निकै चुनौतीपूर्ण हो। यद्यपि, यो उमेर समूहमा भारतलाई हराएको इतिहास रहेकाले पनि नेपाली युवा टोली उच्च आत्मबलका साथ एसिया कपको यात्रा थाल्दै छन्।

नेपाल क्रिकेट संघ (क्यान) ले मंगलबार आयोजना गरेको बिदाइ कार्यक्रममा नेपाली टोलीका कप्तान देवसँगै प्रशिक्षक जगत टमाटाले बिनादबाब राम्रो प्रदर्शन गर्ने लक्ष्य राखेका छन्। प्रशिक्षक टमाटाले सिनियर टोलीबाट राम्रो खेलेका गुल्सन झा पनि टोलीमा समावेश रहनुले युवा टोली थप उत्साहित भएको बताए।

तपाईको प्रतिक्रिया
सम्बन्धित खबरहरु
हाम्रो बारेमा

शम्भुनाथ मिडिया हाउस प्रा.लि. द्वारा संचालित kchhakhabar.com अनलाईन पत्रिकाले जनता को हक र आवाजको रुपमा आफ्नो सामाचार सम्प्रेषण गर्ने छ।

सूचना तथा प्रसारण विभाग : २०७७/०७७-७८

कम्पनी दर्ता                       :  २४११११

आधिकारिक जानकारीका लागि सम्पर्क:9804041401

टिमहरु

अध्यक्ष /प्रकाशक :बिवेकानन्द यादब (निखिल राउत)

प्रधान सम्पादक:शंंकर यादब

सम्पादक         : जय कामत

सह- सम्पादक: अनवर अलि

सल्लाहकार  : आयुष श्रेष्ठ ,बिष्णु यादव

सम्पर्क

ठेगाना :- रुपनी,सप्तरी ,मधेश प्रदेश
सम्पर्क: -९८०४०४१४०१
बिज्ञापनकालागि: -९८०४०४१४०१
इमेल [email protected]