अनवर अलि
काठमाडौँ — विभिन्न समयमा भएका क्रिकेट प्रतियोगिताको पूर्वघोषित नगद पुरस्कार अर्थ मन्त्रालयले निकासा गरेको छ । तीन प्रतियोगिताको १ करोड ५७ लाख ५० हजार रुपैयाँ पुरस्कार निकासा भएको राष्ट्रिय खेलकुद परिषद्का सदस्य–सचिव टंकलाल घिसिङले जानकारी गराएका छन् ।
वैशाख ५ देखि १८ सम्म भएको एसीसी पुरुष प्रिमियर कपका लागि ७९ लाख, २०७९ साल फागुन १२ देखि १८ सम्म भएको आईसीसी यू–१९ पुरुष सीडब्लूसी–एसिया क्लालिफायरका लागि ४६ लाख र आईसीसी सीडब्लूसी लिग–२ का लागि ३२ लाख ५० हजार रुपैयाँ पुरस्कार निकासा भएको हो ।
शुक्रबार मूलपानीमा भएको ट्वान्टी–२० विश्वकप छनोट एसिया क्षेत्रको सेमिफाइनलमा यूएईलाई ८ विकेटले हराउँदै नेपाली टोली जुनमा अमेरिका र वेस्ट इन्डिजमा हुने विश्वकपमा स्थान सुरक्षित गर्न सफल भएका थियो । सदस्यसचिवले विश्वकप पुग्न सफल टोलीलाई बधाई दिँदै उपाधि जितको शुभकामना दिएका छन् ।
१.
२.
३.
४.
५.
६.