नेकपा एकीकृत समाजवादीका अध्यक्ष माधव कुमार नेपालले एमालेबाट मुक्त हुन पाउँदा खुशी लागेको बताएका छन् ।

मंगलबार पार्टीको पहिलो केन्द्रीय कमिटी बैठकमा सहभागी हुने क्रममा पत्रकारहरूसँग कुारकानी गर्दै अध्यक्ष नेपालले दक्षिणपन्थी भासमा फसेको र जनताको बहुदलीय जनवादलाई कुठाराघात गरेको एमालेबाट मुक्त हुन पाउँदा खुशी लागेको बताएका हुन् । ‘जबजलाई कुठाराघात गरेको कम्युनिस्टको मन्त्र मात्रै जप्ने गैर कम्युनिस्ट चरित्रको पार्टीबाट मुक्त भएर क्रान्तिकारी धार बोकेको, सभ्य आचरण भएको पार्टीमा आउँदा खुशी लागेको छ,’ उनले भने ।

नेपालले पार्टीको बैठकबाट हुने निर्णयले देशभर नयाँ उत्साह छर्ने दाबी गरे । केन्द्रीय कमिटीको बैठकमा राजनीतिक प्रतिवेदनबारे छलफल हुनेछ ।