सप्तरी – स्वतन्त्र युवा सप्तरीका अध्यक्ष मुस्तकिम आलमले एम.सी.सी.भित्र अमेरिकाको खतरनाक रणनीति लुकेको दाबी गरेका छन । सप्तरीको राजबिराजमा शनिबार स्वतन्त्र युवा सप्तरीले आयोजना गरेको विरोध सभालाई सम्बोधन गर्दै अध्यक्ष आलमले एमसीसी देशलाई समृद्ध बनाउने नभई इन्डोप्यासिफिक रणनीतिको अंग बनाउने खतरनाक खेल रहेको जिकिर गरेको हो ।

यदि एम.सी.सी.संसदबाट पास भए नेतृत्वलाई जनताले माफ नगर्ने चेतावनी दिएका थिए । अफगानिस्तान जस्ता देशहरु अमेरिकी साम्राज्यवादी षडयन्त्रको शिकार हुँदा भोग्नु परेको पिडा सबैलाई छर्लङ्ग भएको आलमको भनाई छ । कार्यक्रम मा अर्का युवा नेता मो. जकबुलाले एमसीसीको भन्दा धेरै कर एनसेलबाट लिनुपर्ने भएपनि नेपालका नेतृत्वदायी दलहरुले एमसीसी कार्यान्वयन गर्न न खोज्नु दुःखद भएको बताएका थिए । त्यस्तै सुरज साह,जिमेद आलमले समेत आफ्ना तर्क राखेका थिए ।

एमसीसी जस्तो राष्ट्रघाती परियोजना लागु भए देशले ठुलो मुल्य चुकाउनुपर्ने जिकिर गर्दै एमसीसीको खारेजिका निम्ती एक जुट हुन आम नेपालीलाई अपिल गरेका छन । सप्तरी स्वतन्त्र युवा र अन्य बिभिन्न तहका नेताहरुको सहभागितामा सम्पन्न कोणसभाको संचालन गरेका थिए । शिव मन्दिर बाट निकलेको जुलुस राजविराज परिकारमा गर्दै गजेन्द्र चौकमा कोण सभामा परिवर्तन भएको थियो ।