ओखलढुंगा – हत्या गरेको अभियोगमा २ जना पक्राउ परेका छन् । हत्या गरेको अभियोगमा २ जनालाई प्रहरीले शुक्रबार दिउँसो पक्राउ परेको हो ।

खिजिदेम्बा गाउँपालिका ५ ढाडखर्क बस्ने ६८ वर्षीय मित्र बहादुर तामाङलाई धारिलो हतियार प्रहार गरी हत्या गरेको अभियोगमा २ जना पक्राउ परेका छन्। पक्राउ पर्नेहरूमा सोही ठाउँ बस्ने मृतककै माईला भाइ ६७ बर्षीय शेर बहादुर तामाङ र शेरबहादुरकै छोरा ३६ वर्षीय वीर बहादुर तामाङ रहेको प्रहरीले जानकारी दिएका छन् ।

जग्गा अंशबण्डाको बिषयमा उनीहरू बिच विवाद हुँदा शेरबहादुर र वीरबहादुरले खुकुरी तथा दाउ प्रहार गर्दा मित्रबहादुरको घटनास्थलमै मृत्यु भएको भन्ने खबर प्राप्त हुनासाथ ईलाका प्रहरी कार्यालय खिजिफलाटेबाट खटिएको प्रहरीले उनीहरूलाई खुकुरी तथा दाउ सहित पक्राउ गरेको जनाएको छ । यस सम्बन्धमा प्रहरीले थप अनुसन्धान गरिरहेको बताएको छ ।