ओखलढुंगा – ओखलढुंगा खिजिदेम्बा गाउँपालिका ५ ढाडखर्कका ६८ वर्षीय मित्रबहादुर तामाङको हत्या भएको छ ।

हत्यामा संलग्न उनकै आफ्नै भाई ६७ वर्षीय शेरबहादुर तामाङ र शेर बहादुरका छोरा ३६ वर्षीय वीरबहादुर तामाङ रहेका छन् । शुक्रबार दिउँसो साढे १२ बजे तामाङलाई धारिलो हरियार खुकुरी र दाऊ प्रहार गरि हत्या गरेका हुन् । प्रहरीले हत्यामा संलग्न दुवै जनालाई खुकुरी र दाऊसहित पक्राउ गरेको छ । उनीहरुले अंशबण्डाको विषयमा विवाद हुँदा हत्या गरेको प्रारम्भीक अनुसन्धानबाट खुलेको छ । खुकुरी र दाउले टाउकोमा प्रहार गर्दा मित्रबहादुर तामाङको घटनास्थलमै मृत्यु भएको हो ।

थप अनुसन्धानको लागी जिल्ला प्रहरी कार्यालय ओखलढुंगाबाट प्रहरी टोली घटनास्थल खटि गएको छ । उक्त स्थान जिल्ला प्रहरी कार्यालय ओखलढुंगाबाट अन्दाजी ६० किमि पश्चिम उत्तर रहेको छ ।