मोरंग – विराटनगर १३ डिएभि स्कुल अगाडी एक जना युवा मृत अवस्थामा फेला परेका छन् ।

३० देखि ३५ वर्ष उमेरका युवा आज विहान मृत अवस्थामा फेला परेका हुन् ।अहिले घटनास्थलमा इलका प्रहरी कार्यालय रानी विराटनगरको टोली पुगेर घटना मुचुल्का उठाउने काम भइरहेको छ । मृतक युवाको पहिचान खुलिनसकेको मोरङ प्रहरीका प्रवक्ता डिएसपी दिपक श्रेष्ठले जानकारी दिए । ‘घटनास्थलमा प्रहरी टोली पुगेर घटना मुचुल्का उठाउने काम भइरहेको छ,’ डिएसपी श्रेष्ठले भने ।

थप विषय पोस्मार्टम रिपोटपछि खुल्ने उनले बताए । विराटनगरस्थित कोशी अस्पतालमा पोस्मार्टमा गर्न लैजाने तयारी गरिएको छ । स्थानियका अनुसार मृतक युवा आइतबार साझ डिएभि स्कूल अगाडी हिडडुल गरेको बताएका छन् ।