सप्तरी – सप्तरीको छिन्नमस्ता गाउँपालिकास्थित प्रसिद्ध छिन्नमस्ता सखडेश्वरी शक्तिपीठमा रहेको भगवतीको चाँदीको मुकुट (मस्तक) आज साँझ चोरी भएको छ ।
साँझ करिब सवाँ ७ बजेतिर चाँदीको मुकुट चोरी भएको ईलाका प्रहरी कार्यालय सखडाका सई राम पुकार महतोले जानकारी दिनुभयाे । सय महताेका अनुसार साँझको बेला पुजारीहरु पोखरीतिर सरसफाईमा व्यस्त रहेको समयमा मुकुट चोरी भएको बताउनुभयाे ।
यसै बिच मन्दिरको मुकुट कसले चाेरि गरेकाे खुल्न नसकेपनि चाेरको खोजी कार्य तीव्र रुपमा भइरहेको जिल्ला प्रहरी कार्यालय सप्तरीका डिएसपि एव प्रवक्ता डिएसपी माधव प्रसाद काफ्लेले जानकारी दिनुभयो ।