उदयपुरबाट प्रहरी अटोमेटिक पेस्तोल, गोलीसहित एक जनालाई पक्राउ गरेको छ।

पक्राउ पर्नेमा त्रियुगा नगरपालिका-३ मोतिगढाका ५० वर्षीय पर्शुराम चौधरी रहेका छन्।चौधरीलाई जिल्ला प्रहरी कार्यालय उदयपुरबाट खटिएको टोलीले उनको कोठाबाट बुधबार राति पेस्तोल बरामद गरेको हो।चौधरीको साथबाट मेड इन युएसए लेखेको एक थान पेस्तोल, सोको पाँच राउण्ड गोली बरामद भएको जिल्ला प्रहरी कार्यालय उदयपुरले जनाएको छ।

उनको कोठाबाट अखिल नेपाल ट्रेड युनियन महासंघ लेखिएको सहयोग रसिदको आठ थान ठेली, नेकपा माओवादी केन्द्र लेखिएको सदस्यता तीन थान, अदिल नेपाल निर्माण मजदुर संघ लेखिएको सदस्यता पत्र ८५ थान फेला परेको प्रहरी उपरीक्षक भीमबहादुर दाहालले बताए।