सप्तरी – काेराेना संक्रमण घटेसँगै सप्तरीका स्थानीय तहहरुले विद्यालय खोल्ने तयारी थालेको छ भने केही स्थानीय तहले मंगलबारबाट सामुदायिक विद्यालयहरु खोल्ने निर्णय नै गरिकेको छ ।
पछिल्लो पटक हनुमाननगर कंकालिनी नगरपालिकाले मंगलबारबाट सामुदायिक विद्यालय र धार्मिक विद्यालयहरु खोल्ने निर्णय गरेको हो । नगरपालिकाले सूचना जारी गर्दै स्वास्थ्य सुरक्षाका मापदण्डको पालना गरी विद्यालयहरु सञ्चालन हुने जनाएको छ । सप्तरीमा ५४९ जना सक्रिय संक्रमित, अहिलेसम्म ३ हजार ४९ जना कोरोना संक्रमित भएका छन् । पहिलो लहर (गत चैत ३१ गतेसम्म) मा १ हजार ८३३ जना र दोस्रो लहर (वैशाख ३ गतेपछि) २ हजार ११७ जना संक्रमित भएको स्वास्थ्य कार्यालय सप्तरीको तथ्यांकमा छ ।
संक्रमितमध्ये अहिले ३ हजार २५५ जना निको भइसकेका छन् भने संक्रमणबाट हालसम्म १४६ जनाको मृत्यु भइसकेको छ । हाल ५४९ जना सक्रिय संक्रमित रहेको स्वास्थ्य कार्यालय सप्तरीका निमित्त प्रमुख दुनियालाल यादवले जानकारी दिनुभयो ।