अवैध रुपमा सुन अयात गरेको भन्दै राजस्व अनुसन्धन विभागले भारतीयसहित नेपालीविरुद्ध मुद्दा दायर गरेको छ।

विभागले भारतीय अब्दुल मजिद अनेकल, लुख्मानुल हाकिम र नेपाली इम्पोर्ट एण्ड एक्सपोर्ट कन्सर्न प्रालिका सञ्चालक राजेश गुरुङसहित भैरब स्टोर्सका सञ्जिव श्रेष्ठ र शंकर घिमिरेविरुद्ध मुद्दा दायर गरेको हो।

जिल्ला प्रहरी कार्यालय हेटौँडाको प्रहरी टोलिले चेकजाँचको क्रममा हेटौँडा उपमहानगरपालिका स्थित रातोमाटे चेकपोष्टमा विना विल विजक लुकाई छिपाई बसमा लैँजादै गरेको ६ किलो २८९ ग्राम ३५० मिलिग्राम सुन बरामद गरी राजस्व अनुसन्धान कार्यालय पथलैयामा दाखिला भई अनुसन्धान गर्दा यी व्यक्ति सलन्न रहेको पाइएको विभागले जनाएको छ।

विभागले भारतीय दुई सहित राजेश गुरुङको हकमा दुई अर्ब ४३ करोड ४६ लाख, यश इम्पोर्ट एण्ड एक्सपोर्ट कन्सर्न प्रालिका सञ्चालक राजेश गुरुङको हकमा थप चार करोड ३० लाख, भैरब स्टोर्सका सञ्जिव श्रेष्ठको हकमा चार करोड ५६ लाख र कामनपा–२ बस्ने शंकर घिमिरेको हकमा चार लाख २९ हजार विगो मागदाबी गर्दै उच्च अदालत हेटौँडामा मुद्दा दर्ता गरिएको विभागले जनाएको छ।