कोरोन संक्रमित पत्रकारलाई नेपाल पत्रकार महासंघ द्वारा अक्सिजन सहितको आइसोलेसन तयार गर्ने निर्णय गरेको हो ।

नेपाल पत्रकार महासंघले कोरोना संक्रमित पत्रकारलाई ध्यानमा राख्दै केन्द्रीय कार्यालयमा रहेको आवासगृहलाई अक्सिजन सहितको आइसोलेसन बनाउने निर्णय गरेको छ । देशमा बढीरहेको कोरोना संक्रमणको जोखिमलाई मध्यनजर गर्दै महासंघले पत्रकाहरुका लागि आवासगृहलाई अक्सिजनसहितको आइसोलेसन बनाउने निर्णय गरेको हो ।

प्राविधिक जनशक्तिसहितको मेडिकल सामग्रीका लागि पहल भइरहेको महासंघका महासचिव रोशन पुरीले बताए । महासंघले अक्सिजनसहित विभिन्न सामग्री तथा जनशक्तिका लागि सबै संघसंस्था र सरकारसँग आग्रह गरेको पनि उनले बताए । काठमाडौं उपत्यका बाहिर पनि प्रदेश र जिल्ला शाखामार्फत पहल भइरहेको उनले त्यसका लागि केन्द्रीय कार्यालयबाट परिपत्र गरिएको बताए ।