बाँकेस्थित भेरी अस्पतालमा पछिल्लो २४ घण्टामा १०६ जनामा कोरोना संक्रमणको पुष्टि भएको छ ।

अस्पतालका प्रवक्ता सांकेत कुमार रिमालका अनुसार पछिल्लो २४ घण्टामा गरिएको १ सय ९० वटा नमुनाको परक्षिणमा १०६ जनामा कोरोना संक्रमण पुष्टि भएको हो ।उनका अनुसार संक्रमण पुष्टि हुनेमध्ये अधिकांश बाँके जिल्ला भित्रैका रहेका छन् ।पछिल्ला केही दिनयता बाँके जिल्लामा निरन्तर कोरोना संक्रमितको संख्या उकालो लागिरहेको छ । शुक्रबार मात्रै भेरी अस्पतालमा गरिएको १८३ नमुनाको परिक्षणमा १२७ जनामा संक्रमण पुष्टि भएको थियो ।

भारतसँग खुल्ला नाका भएका कारण बाँके क्षेत्रमा पछिल्ला केही दिनयता संक्रमण बढिरहेको हो । अस्पतालका प्रवक्ता रिमालका अनुसार अस्पतालको क्षमताभन्दा धेरैमा संक्रमण पुष्टि भइरहेको छ ।