बंगलादेश क्रिकेट बोर्डले आठौं संस्करणको बंगलादेश प्रिमियर लिग नगर्ने भएको छ । राष्ट्रिय क्रिकेट खेलाडी यो प्रतियोगिताका लागि उपलब्ध नहुने भएपछि बोर्डले बीपीएल २०२१ मा नगर्ने भएको हो ।

बंगलादेशको घरेलु क्रिकेटको ठूलो प्रतियोगिता मानिने बीपीएलका लागि खाली समय नै नभएकाले बोर्डले बाध्य भएर यो सिजन रद्द गर्नुपरेको हो ।बंगलादेशको क्यालेन्डर अनुसार यो बर्ष बीपीएल गरिदै आएको समयमा राष्ट्रिय टिमले पाकिस्तान भ्रमण गर्ने तालिका छन । बंगलादेशले नोभेम्बरमा पाकिस्तान टुर गर्ने भएको हो ।बोर्डको तालिका अनुसार अब यो प्रतियोगिता २०२२ को जनवरी १४ देखि फेब्रेवरी १८ सम्म खेलिनेछ । यस्तै २०२३ मा जनवरी तीनबाट फेब्रेवरी १७ सम्म हुनेछ ।

यसअघि कोरोनाका कारण बंगलादेश क्रिकेट बोर्डले २०२० पनि यो प्रतियोगिता गर्न सकेको थिए ।