काठमाडौं। उदयपुरको कटारी नगरपालिका-८ सानो दमारबाट करिब १ सय २१ केजी गाँजा सहित एक जनालाई प्रहरीले पक्राउ गरेको छ।

पक्राउ पर्नेमा सिरहा धनगढीमाई नगरपालिका-१० जिरोमाईल बस्‍ने ४१ वर्षीय सन्तबहादुर मगर रहेका छन्।इलाका प्रहरी कार्यालय कटारी उदयपुरबाट खटिएको प्रहरीले स.१ च ८०४ नम्बरको बोलेरो जाँच गर्दा अदुवाको बोराले छोपी लुकाइ राखेको अवस्थामा उक्त गाँजा फेला परेपछि सवारी सवारी धनी सन्तबहादुरलाई प्रहरीले पक्राउ गरेको हो।

सवारी चालक ताप्ली गाउँपालिका-३ बस्‍ने २१ वर्षीय हेमबहादुर मगर, शम्भु मगर र अर्का एक जना अपरिचित पुरुष हाल फरार रहेकाले प्रहरीले खोजी गरिरहेको छ।