सप्तरी – से–फोक्सुन्डो राष्ट्रिय निकुञ्जको मध्यवर्ती क्षेत्रबाट ३३ बन्दुकसहित आठजनालाई पक्राउ गरिएको छ । निकुञ्जले डोल्पाको मध्यवर्ती क्षेत्रमा पर्ने जगदुल्ला गाउँपालिकाको काईगाउँ, हुरिकोट, माझगाउँ, झयाकोट र छाँचुबाट आठजनालाई पक्राउ गरिएको निमित्त प्रमुख संरक्षण अधिकृत सरोजमणि पौडेलले बताए । उनीहरूबाट भरुवा बन्दकु ३३ वटा र दुईनाले बन्दुक दुईवटा बरामद गरिएको निकुञ्जले जनाएको छ ।

बन्दुकसहित पक्राउ परेका आठैजनालाई हिरासतमा राखेर थप अनुसन्धान भइरहेको निमित्त प्रमुख संरक्षण अधिकृत पौडेलले बताए । उनका अनुसार चोरी सिकारी नियन्त्रण गर्न निकुञ्जले अभियान नै चलाएर विभिन्न ठाउँमा टोली परिचालन गरेको छ । यसअघि पनि निकुञ्जले ३७ वटा भरुवा बन्दुक, एउटा कटुवा पेस्तोल र १० वटा इन्सास राइफलको गोली बरामद गरेको थियो । अहिलेसम्म ७० वटा भरुवा बन्दुक बरामद गरिसकेको निकुञ्जले जनाएको छ ।