जिल्लाको जितपुरसिमरा उपमहानगरपालिकाको प्रमुखमा नेकपा माओवादी केन्द्रका उम्मेदवार निर्वाचित भएका छन् ।

उक्त उपमहानगरमा माओवादीका राजन पौडेल निर्वाचित भएका हुन् । उनलाई गठबन्धनको साथ थियो ।

पौडेलले १८ हजार ७ सय ४३ मत ल्याउँदा उनका निकटतम प्रतिस्पर्धी सरस्वती चौधरीले १७ हजार ७ सय ७९ मत पाइन् । यस्तै लोसपाको मेयर उम्मेदवार सञ्जय साहले पाँच हजार ३८२ मत ल्याएका छन् ।

उपप्रमुखमा भने नेकपा एमालेका उम्मेदवार निर्वाचित भएका छन् । उपमेयरमा एमाले उम्मेदवार भोला अधिकारी १७ हजार ४ सय ९२ मत ल्याएर निर्वाचित भए । उपमेयरमा सत्ता गठबन्धनको तर्फबाट उम्मेदवार रहेकी काङ्ग्रेसकी मेघा शाही १५ हजार ८ सय ४२ मत मात्र ल्याएकी छन् ।

लोसपाको तर्फबाट उपमेयर उम्मेदवार बिपी मोक्तानले पाँच हजार २७ मत पाए ।