गर्भवती महिलाहरुका लागि सुरु भएको राष्ट्रपति महिला उत्थान कार्यक्रम पहाडी जिल्लाहरुमा प्रभावकारी बनेको छ । यो कार्यक्रम अन्तर्गत मंगलवार खोटाङबाट एक जना गर्भवती महिलाको उद्धार गरिएको छ ।

जिल्लाको दिक्तेल रुपाकोट मझुवागढी नगरपालिका वडा नम्वर ६ नेर्पाकी वर्ष ३० की सकुन्तला राईलाई उद्धार गरी हेलिकप्टर मार्फत काठमाण्डौ पठाइएको जिल्ला प्रशासन कार्यालय खोटाङले जनाएको छ ।

प्रसुती व्यथा पछि अप्रेसन गरिएको जसका कारण रक्तचाप बढी भई काम्ने व्यथा देखिएकाले तत्काल सुविधा सम्पन्न अस्पतालमा लैजानु पर्ने भएकाले उनलाई काठमाण्डौ पठाईएको हो ।

राष्ट्रपति महिला उत्थान कार्यक्रम अन्तर्गत हवाई सेवाबाट खर्च व्यहोर्ने गरी हेलिकप्टर मार्फत दिक्तेलबाट उद्धार गरी काठमाडौ पठाइएको स्थानीय प्रशासनले जनाएको छ ।