सर्लाहीको बागमतीमा टयांकरको ठक्करबाट एक महिलाको मृत्यु भएको छ। दुर्घटनामा उनका छोरा गम्भीर घाइते भएका छन्।

पूर्वपश्चिम राजमार्गमा पर्ने बागमती पुलमा प्रदेश १–०२–००१ ख ८३२५ नम्बरको तेल बोक्ने ट्यांकरले प्रदेश २–०१–००३ प ५७६४ नम्बरको मोटरसाइकललाई ठक्कर दिँदा सप्तरीको राजविराज नगरपालिका–१ की ६० वर्षीया प्रमिलादेवी यादवको मृत्यु भएको हो।

दुर्घटनामा गम्भीर घाइते यादवलाई उपचारका लागि वीरगञ्जतर्फ लैजाँदै गर्दा बाटोमै नै मृत्यु भएको प्रहरीले जनाएको छ। दुर्घटनामा मृतक प्रमिलादेवीका छोरा मोटरसाइकल चालक २५ वर्षीय विजय यादव घाइते भएका छन्। उनको वीरगञ्जमै उपचार भइरहेको छ।

दुर्घटनामा संलग्न ट्याङ्कर र त्यसका चालकलाई प्रहरीले नियन्त्रणमा राखेको छ।