वीरगञ्ज – बाराको जितपुर सिमरा उपमहानगरपालिकामा दुई पक्षबीच भएको झडपमा एक वडाध्यक्ष घाइते भएका छन्।

दुई पक्षबीच भएको झडपमा जितपुर सिमरा उपमहानगरपालिका वडा नम्बर २३ का वडाध्यक्ष असलम देवान घाइते भएका हुन् ।

बाटोको विषयलाई लिएर मंगलबार भएको दुई पक्षबीच टोलमै भएको झडपमा देवान घाइते भएको ईलाका प्रहरी कार्यालय सिमराका डिएसपी युवराज तिम्लिसनाले जानकारी दिए ।

वडाध्यक्ष देवानको वीरगञ्जस्थित नारायणी बयोद्धा अस्पताला उपचार भईरहेको छ । झडपमा संलग्न तीनजनालाई पक्राउ गरिएको जिल्ला प्रहरी कार्यालय बाराले जनाएको छ।

देवान ०७४ सालको स्थानीय तहको निर्वाचनमा नेकपा माओवादी केन्द्रबाट वडाध्यक्षमा निर्वाचित भएका थिए । अहिले उनी नेकपा एमाले प्रवेश गरिसकेका छन् ।