तेह्रथुम – तेह्रथुमको म्याङलुङ नगरपालिकाकी एक महिलालाई जबर्जस्ती करणी गरी फरार रहेको आरोपमा एक युवालाई तेह्रथुम प्रहरीले झापाबाट पक्राउ गरेको छ ।

तेह्रथुमको फेदाप गाउँपालिका–३ जलजले घर भएका २४ वर्षीय पूर्णबहादुर ठटाललाई झापा प्रहरीको सहयोगमा बुद्धशान्ति गाउँपालिका–२ बाट आइतबार बेलुका पक्राउ गरिएको प्रहरी नायब उपरीक्षक निशान थापाले बताए ।

पक्राउ परेका ठटालविरुद्ध जिल्ला अदालतबाट म्याद थप गरी अनुसन्धान थालिएको प्रहरीले जनाएको छ । ठटालले गत माघ १० गते महिलाको घरमै गएर जबर्जस्ती करणी गरी फरार भएको प्रहरीले जनाएको छ ।