सप्तरी – सप्तरीस्थित राजविराज कारागारका एक जना कैदीको शुक्रवार मृत्यु भएको छ ।

पेट दुख्न थालेपछि उपचारकोलागि प्राथमिक उपचारका लागि डा. अरुण कुमार साहको क्लिनिकमा लागिएको थियो । दुखाई निको न भए पछी ५८ वर्षीय उदव प्रसाद खतिवडा लाई गजेन्द्र नारायण अस्पताल लगिएको थियो र उपचारको क्रममा मृत्यु भएको हो ।

‘विहान ८ बजेतिर पेट दुख्यो भनेपछि उपचारको लागि खतिवडालाई निजी क्लिनिकमा लगेका थियौं’ निमित जेलर सन्दिप कुमार देबले भने–‘क्लिनिकमै खतिवडा वेहोस भए, त्यसपछि उनलाई गजेन्द्रनारायण सिंह अस्पतालको इर्मेजेन्सी वार्डमा भर्ना गरेका थियौं ।’

उपचारकै क्रममा उनको विहान सवा ११ बजे मृत्यु भएको निमित्त जेलर देबले बताए । चिकित्सकका अनुसार उनको हर्ट एट्याकबाट मृत्यु भएको जानकारी गराए ।

सुनसरीको दुहबी ४ का खतिवडा कागजात किर्ते गरी ठगी सम्बन्धी मुद्दामा २०७५ साउन १७ गतेदेखि पुर्पक्षकालागि कारागारमा थिए ।