ललितपुर – बैंकिङ कसूर मुद्दाका फरार प्रतिवादी काठमाडौंको विजुलीबजारबाट प्रकाउ परेका छन्।

पक्राउ पर्नेमा ललितपुर महानगरपालिका वडा-१ कुपण्डोल बस्‍ने ५० वर्षीय शिशिर शमशेर जबरा रहेका छन् ।शिशिर शमशेरलाई उच्च अदालत पाटनले २०७७ साल पुस २६ गते बैंकिङ्ग कसूर मुद्दामा १० दिन कैद र ४५ लाख जरिवाना सुनाएको थियो ।२०७६ सालमा शिशिर शमशेरले आफ्नो खातामा पर्याप्त मौज्दात रकम नभएको भन्ने जानी जानी झुक्याएर नेपाल नबिल बैंकमा रहेको खाताबाट भुक्तान हुने गरी पीडितहरूलाई ४५ लाख रुपैयाँ बराबरको चेक काटी दिएका थिए ।

बैंकिङ कसूरजन्य अपराध गरेको ठहर गरी उच्च अदालत पाटनबाट उक्त सजाय ठहर भएको थियो। उनलाई फैसला कार्यान्वयनको लागि ललितपुर जिल्ला अदालतमा पेश गरिएको छ ।