सोलुुखुम्बु – दुर्लभ वन्यजन्तु रेड पाण्डा (हाब्रे) को तस्करीमा संलग्न गिरोह मध्येका थप दुई जनालाई सोलुखुम्बु प्रहरीले पक्राउ गरेको छ ।

माप्यदूधकोशी गाउँपालिका–६ का ३० वर्षीय राजेश मगर र ४६ वर्षीय भक्तबहादुर मगरलाई प्रहरीले पक्राउ गरेको हो ।उनीहरूलाई सोलुदूधकुण्ड नगरपालिका–५ बाट एक थान रेड पाण्डाको छाला सहित पक्राउ गरिएको जिल्ला प्रहरी कार्यालय सोलुखुम्बुका सुचना अधिकारी प्रहरी निरीक्षक महेन्द्र दर्नालले जानकारी दिनुभयो ।

प्रहरीले एक साता अघि महाकुलुङबाट सात वटा रेड पाण्डाको छाला र रेड पाण्डा मार्न प्रयोग गरिने पाँच ओटा पासो सहित तीन जनालाई पक्राउ गरेको थियो ।