काठमाडौं – ललितपुर प्रहरी मातहत स्थापना भएको महानगरीय प्रहरी प्रभाग बालकुमारीको नव निर्मित भवनको उद्घाटन भएको छ ।

नवनिर्मित भवनको प्रहरी अतिरिक्त महानिरीक्षक हरिबहादुर पालले उद्घाटन गर्नुभएको हो । उद्घाटन पछि बोल्दै उपत्यका प्रहरी प्रमुख पालले प्रहरीले आम नागरिकको सुरक्षा गर्न सके मात्र भवन स्थापनाले सार्थकता पाउने बताउनुभयो ।कार्यक्रममा बोल्दै ललितपुर महानगरपालिकाका मेयर चिरिबाबु महर्जनले स्मार्ट सिटी सफल बनाउन सुरक्षा क्षेत्रको ठूलो भुमिका हुने बताउनुभयो ।

राष्ट्रिय पुनःनिर्माण प्राधिकरण कोषको सहयोगमा झण्डै दुई करोड लागतमा निर्मित भवनमा २ वटा थुनुवा कक्ष सहित ११ वटा कोठा रहेका छन ।