धनकुटा – नेपाली कांग्रेसले थालेको लगानी, पूर्वाधार र रोजगार दृष्टिकोण एवं दिगो परियोजनाको केन्द्रित विशेष समितिले गरिखाने अभियान उद्योग व्यवसायी छनौट तथा परियोजनाको लागि धनकुटामा समेत अभियान सुरु गरिएको छ ।

लगानी, पूर्वाधार र रोजगार दृष्टिकोण एवं दिगो परियोजनाको केन्द्रित विशेष समितिले राष्ट्रव्यापी उद्यमशीलता विकास र रोजगारी सिर्जना गर्ने कार्यक्रमअन्र्तगत धनकुटामा समेत गरिखाने अभियानअन्र्तगत काम सुरु गरिएको कार्यक्रमका सीईओ राजु नेपालले बताए । कोभिड १९ को महामारीपछि उद्यम, व्यावसाय, रोजगारीमा परेको संकटलाई सम्बोधन गर्ने यो कार्यक्रमलाई देश व्यापीरूपमा सञ्चालन गरिएको उनको भनाइ थियो ।
कार्यक्रमा बोल्दै राष्ट्रिय योजना आयोगका पूर्वउपाध्यक्षडा. गोविन्द पोख्रेलले कांग्रेसले थालेको यो अभियानबाट मुलुकमा उद्यमशीलता प्रवद्र्धन, लगानी प्रोत्साहन र संरक्षण, ठूलापूर्वाधारहरूको विकासमार्फत आर्थिक सम्भावनाको उजागर गर्ने यो अभियानले गाउँगाउँमा उद्यमीहरू जन्मने बताए ।
उनले भने अब भाषण सभा सम्मेलनभन्दा पनि उत्पादनमा जोड दिने बेला आएको छ ।

अभियानअन्तर्गत रोजगारीको अवसरको खोजीमा रहेकाहरूलाई समेटेर करिब १२ हजार उद्योगमार्फत १ लाख २० हजार घरधुरी प्रत्यक्ष रोजगारी सिर्जना गरी ४ लाख ८० हजार जनसंख्यालाई प्रत्यक्ष लाभाविन्त बनाउने लक्ष्य राखिएको जनाएको छ ।